Rûgeşî




Deprecated: Function eregi_replace() is deprecated in /home/kurealshia/public_html/page.php on line 99

Deprecated: Function split() is deprecated in /home/kurealshia/public_html/page.php on line 103

Bi hêvîya behre wergirtina ji kelamê wehyê emê behsa rû geşîyê bikin. Ku  rûgeşî yekî ji exlaqên islamî ye.

Belê, wek çawa em dizanin çend cûre beşer hene:

Hinek madegirtî û reşbîn in, hinek jî rûgeş û rûvekirî nin. Kelamê wehyê şiklê duyemê bona mirovê misilman bijartîye û emrê wî kirîye ku rûgeş û rûxweş be. Em dibînin ku di sûreta E'besê da Xwedayê Te'ala, loma li mirovê rûgirtî û reşbînî dike. Helbet gereke em vê jî bêjin ku car heye rûgirtin reşbînî bo hineka xûy be, ku tiştek ne baş e û xûyek ne islamî ye. Lê carna jî heye madegirtin û rû qemitîn car care be, ji ber dîtina karek ne durist, eva ha tiştek baş e û gereke mirovê mumin wusa be.

Çiku, yek ji nîşanên mumina xîret e. Û mirovê xîretmend, ji dîtina kar û tiştên ne baş û pîs ne rahet dibe û madê xwe jî digire.

Mirovê mumin û xîretmend nikare ne heqîyê qebûl bike, herweha nikare zilmi li ser xwe û li ser hevalê xwe, heta li ser mirovê biyanî û xerîb jî qebûl bike. Vêca dema ne heqî û zilmek dît, madê wî tê girtin û rûyê wî diqemite û çavê xwe li mirovê biyanî zûr dike û nikare di bareyê vê da bê xem be. Ev exlaqê ha, xûyekî olî ye û ne dijî rûgeşîyê ye. Qur`an jî dijwarya li dijê kafir û ne heqa da – ku madegirtin jî yek ji çiqên evê dijwarîyê ye – nîşanê mumin û bawerdar hesab dike:

Çawa ku ayeta 29 ya sûreta Feth kerem kirîye:

(مُحَمَّدٌ رَسُولُ اللّه وَالَّذينَ مَعَهُ أشِدّاءُ عَلىَ الْكُفَّارِ رُحَمَاءُ بَيْنَهُمْ).

"Muhemmed pêxemberê Xudê ye û ewên digel wî dijwar in li ser kafira û di nava xwe bi xwe da dilovan û bi rehm in."

Hedîsên Pêxember (s.) jî di bareyê başîya rûgeşî da zaf in, ku li vêderê emê çendeka bo we bêjin:

Hz. Muhemmed (s.) kerem kirîye: «حُسْنُ الْبِشرِ يَذْهَبُ بِالسَّخِيمَةِ» Rûyê xweş û geş kînê ji dila derdixe." Dîsa kerem kirîye: " Bi rûyek geş digel birayê xweyê mumin rû bi rû be."



1 2 next